ಗ್ರಾಮ ಒನ್ ಸೇವೆ: ಜಿಲ್ಲೆಯ ಸಾಧನೆಗೆ ಮುಖ್ಯಮಂತ್ರಿಗಳಿಂದ ಪ್ರಶಂಸನಾ ಪತ್ರ
ಹಾವೇರಿ : ಹಾವೇರಿ ಜಿಲ್ಲೆಯಲ್ಲಿ ಗ್ರಾಮ ಒನ್ ಕೇಂದ್ರಗಳು ಅತ್ಯಂತ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸಿ ಸಾರ್ವಜನಿಕರಿಗೆ ಹೆಚ್ಚು ಸೇವೆ ಒದಗಿಸಿದ ಹಿನ್ನಲೆಯಲ್ಲಿ ಮುಖ್ಯಮಂತ್ರಿಗಳಾದ ಬಸವರಾಜ ಬೊಮ್ಮಾಯಿ ಅವರು ಬುಧವಾರ ಪ್ರಶಂಸನಾ ಪತ್ರ ನೀಡಿ ಅಭಿನಂದಿಸಿದ್ದಾರೆ.
ಗ್ರಾಮ ಒನ್ ಸೇವೆ ಆರಂಭಗೊAಡು ಒಂದು ವರ್ಷ ಪೂರೈಸಿದ ಹಿನ್ನಲೆಯಲ್ಲಿ ಬೆಂಗಳೂರಿನಲ್ಲಿ ಬುಧವಾರ ಜರುಗಿದ ಗ್ರಾಮ ಒನ್ ವಾರ್ಷಿಕೋತ್ಸವದಲ್ಲಿ ಕಳೆದ ಏಪ್ರಿಲ್‌ನಿಂದ ಈವರೆಗೆ ಅತೀ ಹೆಚ್ಚು ನಾಗರಿಕ ಸೇವೆಗಳನ್ನು ನೀಡಿ ವಿಶಿಷ್ಟ ಸಾಧನೆ ಮಾಡಿದ ಹಾವೇರಿ ಜಿಲ್ಲೆಗೆ ಪ್ರಶಸ್ತಿ ಪತ್ರ ನೀಡಿ ಸನ್ಮಾನಿಸಲಾಯಿತು. ಜಿಲ್ಲಾಧಿಕಾರಿಗಳ ಪರವಾಗಿ ಅಪರ ಜಿಲ್ಲಾಧಿಕಾರಿ ಪೂಜಾರ ವೀರಮಲ್ಲಪ್ಪ ಅವರು ಮುಖ್ಯಮಂತ್ರಿಗಳಿAದ ಪ್ರಶಂಸನಾ ಪತ್ರ ಸ್ವೀಕರಿಸಿದರು.
ಜಿಲ್ಲೆಯಲ್ಲಿ ೨೦೨೨ರಲ್ಲಿ ಆರಂಭಗೊಂಡ ಗ್ರಾಮ ಒನ್ ಯೋಜನೆಯಡಿ ೨೨೩ ಪಂಚಾಯತಿಗಳಲ್ಲಿ ಜನಸಂಖ್ಯೆ ಆಧಾರದ ಮೇಲೆ ಗ್ರೇಡ್-೧ ಪಂಚಾಯತಿಗಳಲ್ಲಿ ಎರಡಂತೆ ಹಾಗೂ ಹಾಗೂ ಗ್ರೇಡ-೨ ಪಂಚಾಯತಿಗಳಲ್ಲಿ ಒಂದರಂತೆ ೨೮೧ ಗ್ರಾಮ ಒನ್ ಕೇಂದ್ರಗಳು ಅನುಷ್ಠಾನಗೊಂಡಿದ್ದು, ಈ ಪೈಕಿ ವಿವಿಧ ಕಾರಣಕ್ಕಾಗಿ ೩೩ ಗ್ರಾಮ ಒನ್ ಕೇಂದ್ರಗಳ ಪ್ರಾಂಚೈಸಿಗಳ ಪರವಾನಿಗೆ ರದ್ದುಪಡಿಸಲಾಗಿದೆ. ೨೪೮ ಗ್ರಾಮ ಒನ್ ಕೇಂದ್ರಗಳು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದು, ಈವರೆಗೆ ೧೦,೪೯,೭೫೬ ಅರ್ಜಿಗಳನ್ನು ನಾಗರಿಕರಿಸಿದ ಸ್ವೀಕರಿಸಿ ಸೇವೆ ಒದಗಿಸಿರುವುದು ಶ್ಲಾಘನೀಯ ಕಾರ್ಯವಾಗಿದೆ.
ರಾಜ್ಯದ ೩೧ ಜಿಲ್ಲೆಗಳ ಪೈಕಿ ಹಾವೇರಿ ಸಾರ್ವಜನಿಕ ಅರ್ಜಿಗಳ ಸ್ವೀಕಾರದಲ್ಲಿ ಮೂರನೇ ಸ್ಥಾನದಲ್ಲಿದೆ. ಮೊದಲ ಸಾಲಿನಲ್ಲಿ ಬೆಳಗಾವಿ, ನಂತರ ವಿಜಯಪುರ ಮುಂಚೂಣಿಯಲ್ಲಿದೆ.
