ನವಿಲು ಹೋಲುವ “ಬೀಸಣಿಗೆ ಬಾಲದ ಬಣ್ಣದ ಹಕ್ಕಿ”
ನಾನು ಸರೆಹಿಡಿಯುವ ಪಕ್ಷಿಗಳ ಫೋಟೋಗಳನ್ನು ವೀಕ್ಷಿಸುವ ಕೆಲವು ಮಿತ್ರರು “ನಿಮ್ಮ ಕ್ಯಾಮರಾಕ್ಕಾಗಿ ಪಕ್ಷಿಗಳು ಪೋಜು ಕೊಡಲು ಕಾಯುತ್ತಿರುತ್ತವೆಯೇ? ನಮಗೇಕೆ ನಿಮ್ಮ ರೀತಿ ಪಕ್ಷಿಗಳ ಛಾಯಾಚಿತ್ರಗಳನ್ನು ಸೆರೆ ಹಿಡಿಯಲು ಸಾಧ್ಯವಾಗುತ್ತಿಲ್ಲ? ಎಂದು ಪ್ರೀತಿಯಿಂದ ಪ್ರಶ್ನೆ ಕೇಳುತ್ತಾರೆ. ಆದರೆ ‘ಸೆ.೨೬ರ ಮಧ್ಯಾಹ್ನ ೧೨ಕ್ಕೆ ಪಕ್ಷಿಯೊಂದು ನನ್ನನ್ನೇ ಹುಡುಕಿಕೊಂಡು ನಮ್ಮ ಮನೆಯ ಅಂಗಳಕ್ಕೆ ಬಂದಂತಿತ್ತು”!. ಆ ಪಕ್ಷಿಯ ಛಾಯಾಚಿತ್ರಗಳನ್ನು ಸೆರೆಹಿಡಿಯುವ “ಕೆಲವೊಮ್ಮೆ ಪಕ್ಷಿಗಳು ಸಹ ನನ್ನನ್ನು ಹಡುಕಿಕೊಂಡು ಬರುವುದುಂಟು” ಎಂದು ಮನದಲ್ಲಿ ಅಂದುಕೊಂಡು  ಮಿತ್ರರ ಮಾತು ಸುಳ್ಳಾಗಿಸಿದ “ಖುಷಿ”ಮನದಲ್ಲಿ ಮೂಡಿತ್ತು.
ಎಂದಿನಂತೆ ಕೆಲಸಕ್ಕೆ ತೊಡಗಿಕೊಳ್ಳಲು ಗಣಕಯಂತ್ರ ಆರಂಭಿಸಬೇಕೆಂದು ಮುಂದಾದ ವೇಳೆ, ಮನೆಯ ಅಂಗಳದಲ್ಲಿ  “ಟೆಂಟೆಣೆ, ಟೆಂಟಿಣಿ, ಟೆಂಟಣಿ ಎಂದು ಗಜ್ಜೆ ಸಪ್ಪಳದಂತ ಕೂಗು ಕೇಳಿಸಿತು”. “ಅರೇ ಇಲ್ಯಾರು ಗೆಜ್ಜೆ ಕಟ್ಟಿಕೊಂಡು ಬಂದವರು ಯಾರಪ್ಪ” ಎಂದು ಹೋಗಿ ನೋಡಿದಾU, “ನವಿಲನ್ನು ಹೋಲುವ ರೀತಿಯಲ್ಲಿ ರೆಕ್ಕೆಗಳನ್ನು ಹರಡಿಕೊಂಡು (ಗಾತ್ರದಲ್ಲಿ ನವಿಲು ಬಹಳದೊಡ್ಡದು, ನಾಕಂಡ ಪಕ್ಷಿ ಗುಬ್ಬಚ್ಚಿಗಾತ್ರದ್ದು)  “ಬೀಸಣಿಗೆ ಬಾಲ”ದ ಗುಬ್ಬಚ್ಚಿಗಾತ್ರದ ಬಣ್ಣದ ಹಕ್ಕಿ ಗೆಜ್ಜೆ ಸಪ್ಪಳದ ತರ ಸಿಳ್ಳೆ ಹಾಕುತ್ತಿತ್ತು. ನನ್ನ ಆಗಮನ ಅದರ ಏಕಾಂತಕ್ಕೆ ಧಕ್ಕೆ ಉಂಟಾಯಿತೆಂದು ಕಾಣುತ್ತದೆ. ರೆಕ್ಕೆಗಳನ್ನು ಮಡಚಿಕೊಂಡು ಹಾರಿಹೋಯಿತು.
ಮತ್ತೆ ಬರುತ್ತದೆ ಎಂದುಕೊಂಡು, ಅದಕ್ಕೆ ಕಾಣದಂತೆ ಕ್ಯಾಮರಾದೊಂದಿಗೆ ಅದರ ಚಿತ್ರಗಳನ್ನು ಸೆರೆ ಹಿಡಿಯಲು ಸಿದ್ದನಾಗಿ ಕುಳಿತಿದ್ದೆ. ಕೆಲವೇ ಕ್ಷಣಗಳಲ್ಲಿ “ಬೀಸಣಿಗೆಬಾಲದ ಬಣ್ಣದ ಹಕ್ಕಿ ಪ್ರತ್ಯಕ್ಷವಾಯಿತು”. ಇದರ ವೈಜ್ಞಾನಿಕ ಹೆಸರು “ವೈಟ್ ಸ್ಪಾಟೆಡ್ ಫ್ಯಾನ್ ಟೇಲ್ ಪ್ರೈ ಕ್ಯಾಚರ್” ಎಂದು. ಗುಬ್ಬಚ್ಚಿ ಗಾತ್ರದ, ಸದಾ ಚಟುವಟಿಕೆ ಉತ್ಸಾಹದ, ಹೊಗೆಗಪ್ಪು ಬಣ್ಣದ ಹಕ್ಕಿ. ಎದೆಯ ಮೇಲೆ ಕಪ್ಪು ಮತ್ತು ಬಿಳಿ ಚುಕ್ಕೆಗಳಿವೆ. ಕಣ್ಣಿನ ಮೇಲೆ ಎದ್ದು ಕಾಣುವ ಬಿಳಿ ಪಟ್ಟೆ ಇದೆ. ಎಲ್ಲಕ್ಕಿಂತ ಈ ಹಕ್ಕಿಯ ಪ್ರಧಾನ ಲಕ್ಷಣವೆಂದರೆ ತನ್ನ ಪುಟ್ಟ ಬಾಲದ ಪುಕ್ಕಗಳನ್ನು ಬೀಸಣಿಗೆಯಂತೆ ಬಿಚ್ಚಿ, ರೆಕ್ಕೆ ಜೋಲು ಬಿಟ್ಟು ನವಿಲನ್ನು ಹೋಲುವಂತೆ ಕುಣಿಯುತ್ತದೆ.
ಈ ಹಕ್ಕಿ  ಕುಳಿತಲ್ಲಿ ಕೂರದೆ ಅಲ್ಲಿಂದಿಲ್ಲಿಗೆ, ಪೊದೆಯಿಂದ ಪೊದೆಗೆ ಹಾರುತ್ತಾ ಇರುತ್ತವೆ. ಹಾರಿ ಕುಳಿತಾಗ ಗಳಿಗೆಗೊಮ್ಮೆ ಬಾಲದ ಬೀಸಣಿಗೆ ಬಿಚ್ಚಿ ಎಡಕ್ಕೂ ಬಲಕ್ಕೂ ತಿರುಗಿ ಮತ್ತೆ ಬಾಲ ಮಡಚಿ ಹಾರುತ್ತವೆ. “ಟಿಂಟಿಣಿ ಟಿಂಟಿಣಿ ಗೆಜ್ಜೆ ಗಂಟೆಗಳು ಅಲುಗಿಸಿದಂತೆ ಕೂಗುತ್ತದೆ. ಹೀಗೆ ಕೂಗುವಾಗ ತನ್ನ ಬಾಲವನ್ನು ಬೀಸಣಿಕೆಯಂತೆ ಎತ್ತಿ ಆಚೆ ಈಚೆ ಕುಣಿಸಿ ನಂತರ ಮಡಚಿಕೊಳ್ಳುವುದು. ಕೀಟಗಳನ್ನು ಹಿಡಿದಾಗ ವಿಜಯೋತ್ಸಾಹವನ್ನು ತೋರಿಸಿಕೊಳ್ಳಲು ಸಿಳ್ಳೆ ಸಹ ಹೊಡೆಯುತ್ತದೆ”.
ಇದನ್ನು ಬೂದು ಬಣ್ಣದ ಹುಳ ಹುಡುಕ ಎಂದೂ ಕರೆಯುತ್ತಾರೆ. ಇದು ೧೭ ಸೆಂ.ಮೀ ಗಾತ್ರ ಚಿಕ್ಕ ಹಕ್ಕಿ,   ಬೂದು ಬಣ್ಣ ಈ ಹಕ್ಕಿಯಲ್ಲಿ ಕಾಣುವುದರಿಂದ ಇದಕ್ಕೆ “ಬೂದು ಬಣ್ಣದ ಬಿಳಿಕುತ್ತಿಗೆ ಹುಳ ಹಿಡುಕ” ಎಂಬ ಹೆಸರು ಸಹ ಬಂದಿದೆ. ಅರ್ಧ ವರ್ತುಲಾಕಾರವಾಗಿ ಬಿಚ್ಚಿದಾಗ ಬೂದು ಬಣ್ಣದ ಗರಿ ಕಾಣುತ್ತದೆ. ತುದಿಯಲ್ಲಿ ಬಿಳಿ ಬಣ್ಣದ ಮಚ್ಚೆ ಇದೆ. ಬೀಸಣಿಗೆಯಂತೆ ತನ್ನ ಬಾಲ ಎತ್ತಿ ಬಿಚ್ಚಿ, ಆಚೆ, ಈಚೆ ಅಲ್ಲಾಡಿಸುತ್ತಾ, ಇಲ್ಲವೇ, ಬಾಲ ಮುಚ್ಚಿ ಭೂಮಿಗೆ ಸಮಾನಾಂತರವಾಗಿ ಕುಳಿತುಕೊಳ್ಳುವುದರಿಂದ ಇದರ ಹೆಸರಿನ ಜೊತೆ ಬೀಸಣಿಗೆ ಬಾಲದ ಹಕ್ಕಿ ಎಂಬ ಹೆಸರು ಬಂದಿದೆ.
೨ ಚಿಕ್ಕ ಕಣ್ಣು ಬಿಳಿ ಹುಬ್ಬು, ಕುತ್ತಿಗೆ ಅದರ ಕೆಳಗೆ ಎದೆಯ ಭಾಗದಲ್ಲಿ ಚಿಕ್ಕ ಬಿಳಿ ಚುಕ್ಕೆ ಇದೆ. ಕೆಳ ಬರುತ್ತಾ ಬಿಳಿ ಬಣ್ಣದ ಹೊಟ್ಟೆ ಭಾಗದಲ್ಲಿ ಚುಕ್ಕೆ ಸೇರಿರುತ್ತದೆ. ಈ ಜಾತಿಯ ಹಕ್ಕಿ ಸಾಮಾನ್ಯವಾಗಿ ಕರ್ನಾಟಕದ ಪಶ್ಚಿಮ ಘಟ್ಟ ಕೇರಳ, ಮತ್ತು ಪಶ್ಚಿಮ ಘಟ್ಟದ ಪೂರ್ವಭಾಗದಲ್ಲೂ ಕಾಣಸಿಗುತ್ತದೆ. ಇದರ ಎದೆ ಭಾಗದೆ ಚುಕ್ಕೆ ಯಾವಾಗಲೂ ಇರುವುದೋ ಅಥವಾ ಮರಿಮಾಡುವ ಸಮಯದಲ್ಲಿ ಮಾತ್ರ ಉಂಟಾಗುವುದೋ? ಎಂಬ ವಿಷಯ ನಿಗೂಢವಾಗಿದೆ.
ಗುಬ್ಬಚ್ಚಿಗಿಂತ ಸ್ವಲ್ಪ ದೊಡ್ಡದಾಗಿರುವ ಈ ಹಕ್ಕಿ ಸದಾ ಚಟುವಟಿಕೆಯಿಂದ, ಉತ್ಸಾಹದಿಂದ, ಟೊಂಗೆಯ ಮೇಲೆ ಹಾರಾಡುತ್ತಾ ತನ್ನ ಬಾಲ ಬೀಸಣಿಗೆಯಂತೆ ಕುಣಿಸುತ್ತಾ ಇರುತ್ತದೆ. ಇದರ ಬಾಲದ ತುದಿ ವರ್ತುಲಾಕಾರವಾಗಿದೆ. ಪುಕ್ಕ ಬಿಚ್ಚಿ, ಕೆಲವೊಮ್ಮೆ ಮಡಚಿ, ಬಾಲವನ್ನು ಇಳಿಬಿಟ್ಟು ಕುಣಿಯುವುದು ಇದರ ಕುಣಿಯುವ ಪರಿ. ಇದು ಕೇವಲ ಮರಿಮಾಡುವ ಸಮಯದಲ್ಲಿ ಮಾತ್ರವೋ ಅಥವಾ ಸದಾ ಹೀಗೆ ಕುಣಿಸುವುದೋ ಎಂಬುದನ್ನು ಅವಲೋಕಿಸಬೇಕಿದೆ.
ಇದು ಕುರುಚಲು ಕಾಡು, ಹೊಲ ಉದ್ಯಾನನವನಗಳಲ್ಲಿ ಕಾಣಿಸುತ್ತದೆ. ಮನೆಯ ಅಂಗಳದಲ್ಲಿ  ಕಾಣಿಸಿ ಕೊಂಡ”ಬೀಸಣಿಗೆ ಬಾಲ”ದ ಬಣ್ಣದ ಹಕ್ಕಿಯ ಕೆಲವು ಛಾಯಾಚಿತ್ರಗಳಿಗೆ ನನ್ನ ಕ್ಯಾಮರಾ ಸಾಕ್ಷಿಯಾಯಿತು.
ಪ್ರಾಣಿ-ಪಕ್ಷಿಗಳ ಫೋಟೋ ತಗೆಯುವದು ಬಹಳ ಕಷ್ಟಕರ!.  ಪ್ರಾಣಿ-ಪಕ್ಷಿಗಳ ಚಿತ್ರಗಳನ್ನು ಸೆರೆಹಿಡಿಯಲು ತಾಳ್ಮೆ ಬೇಕು, ಗಂಟೆಗಟ್ಟಲೆ ಕಾಯಬೇಕು. ಪ್ರಾಣಿ-ಪಕ್ಷಿಗಳ ಕಂಡಾಗ ಕ್ಯಾಮರಾ ಸಿದ್ದವಾಗಿರಬೇಕು, ಮೇಲಾಗಿ ಸೂಕ್ತ ವಾತಾವರಣ ಇರಬೇಕು. (ಮೋಡಕವಿದ ವಾತಾವರಣವಿದ್ದರೆ ಫೋಟೋಗಳು ಸರಿ ಬರುವುದಿಲ್ಲ)ಅಂದಾಗ ಉತ್ತಮ ಛಾಯಾಚಿತ್ರಗಳು ಸರೆಯಾಗಲು ಸಾಧ್ಯ. ಮೇಲಾಗಿ ಪ್ರಾಣಿ-ಪಕ್ಷಿಗಳನ್ನು ಕಾಣುವ ಸೂಕ್ಮ ಮನಸ್ಸಿರಬೇಕು, ಅಂದಾಗ ಉತ್ತಮ ಎನ್ನ ಬಹುದಾದ ಛಾಯಾಚಿತ್ರಗಳು ಸೆರೆಯಾಗುವ ಸಾಧ್ಯತೆ ಹೆಚ್ಚು. ನನ್ನಿಂದ ಇಲ್ಲಿಯವರೆಗೆ “ಸರ್ವೋತ್ತಮ” ಎನ್ನುವ ಛಾಯಾಚಿತ್ರಗಳನ್ನು ಸೆರೆಹಿಡಿಯಲು ಸಾಧ್ಯವಾಗಿಲ್ಲ. ಚಿತ್ರಗಳಲ್ಲಿ ಏನಾದರೂ ಒಂದು ನೂನ್ಯತೆಗಳು ಇದ್ದೇ ಇರುತ್ತವೆ. ಇರಬೇಕು, ಅಂದಾಗ ನಮ್ಮಲ್ಲಿ ಉತ್ತಮ ಛಾಯಾಚಿತ್ರಗಳನ್ನು ಸೆರೆ ಹಿಡಿಯಬೇಕೆನ್ನುವ ಹಸಿವು ಕಾಡುತ್ತದೆ.

ಚಿತ್ರ/ಲೇಖನ: ಮಾಲತೇಶ ಅಂಗೂರ,
 ಹಾವೇರಿ

              ನವಿಲು ಹೋಲುವ “ಬೀಸಣಿಗೆ ಬಾಲದ ಬಣ್ಣದ ಹಕ್ಕಿ”
ನಾನು ಸರೆಹಿಡಿಯುವ ಪಕ್ಷಿಗಳ ಫೋಟೋಗಳನ್ನು ವೀಕ್ಷಿಸುವ ಕೆಲವು ಮಿತ್ರರು “ನಿಮ್ಮ ಕ್ಯಾಮರಾಕ್ಕಾಗಿ ಪಕ್ಷಿಗಳು ಪೋಜು ಕೊಡಲು ಕಾಯುತ್ತಿರುತ್ತವೆಯೇ? ನಮಗೇಕೆ ನಿಮ್ಮ ರೀತಿ ಪಕ್ಷಿಗಳ ಛಾಯಾಚಿತ್ರಗಳನ್ನು ಸೆರೆ ಹಿಡಿಯಲು ಸಾಧ್ಯವಾಗುತ್ತಿಲ್ಲ? ಎಂದು ಪ್ರೀತಿಯಿಂದ ಪ್ರಶ್ನೆ ಕೇಳುತ್ತಾರೆ. ಆದರೆ ‘ಸೆ.೨೬ರ ಮಧ್ಯಾಹ್ನ ೧೨ಕ್ಕೆ ಪಕ್ಷಿಯೊಂದು ನನ್ನನ್ನೇ ಹುಡುಕಿಕೊಂಡು ನಮ್ಮ ಮನೆಯ ಅಂಗಳಕ್ಕೆ ಬಂದಂತಿತ್ತು”!. ಆ ಪಕ್ಷಿಯ ಛಾಯಾಚಿತ್ರಗಳನ್ನು ಸೆರೆಹಿಡಿಯುವ “ಕೆಲವೊಮ್ಮೆ ಪಕ್ಷಿಗಳು ಸಹ ನನ್ನನ್ನು ಹಡುಕಿಕೊಂಡು ಬರುವುದುಂಟು” ಎಂದು ಮನದಲ್ಲಿ ಅಂದುಕೊಂಡು  ಮಿತ್ರರ ಮಾತು ಸುಳ್ಳಾಗಿಸಿದ “ಖುಷಿ”ಮನದಲ್ಲಿ ಮೂಡಿತ್ತು.
ಎಂದಿನಂತೆ ಕೆಲಸಕ್ಕೆ ತೊಡಗಿಕೊಳ್ಳಲು ಗಣಕಯಂತ್ರ ಆರಂಭಿಸಬೇಕೆಂದು ಮುಂದಾದ ವೇಳೆ, ಮನೆಯ ಅಂಗಳದಲ್ಲಿ  “ಟೆಂಟೆಣೆ, ಟೆಂಟಿಣಿ, ಟೆಂಟಣಿ ಎಂದು ಗಜ್ಜೆ ಸಪ್ಪಳದಂತ ಕೂಗು ಕೇಳಿಸಿತು”. “ಅರೇ ಇಲ್ಯಾರು ಗೆಜ್ಜೆ ಕಟ್ಟಿಕೊಂಡು ಬಂದವರು ಯಾರಪ್ಪ” ಎಂದು ಹೋಗಿ ನೋಡಿದಾU, “ನವಿಲನ್ನು ಹೋಲುವ ರೀತಿಯಲ್ಲಿ ರೆಕ್ಕೆಗಳನ್ನು ಹರಡಿಕೊಂಡು (ಗಾತ್ರದಲ್ಲಿ ನವಿಲು ಬಹಳದೊಡ್ಡದು, ನಾಕಂಡ ಪಕ್ಷಿ ಗುಬ್ಬಚ್ಚಿಗಾತ್ರದ್ದು)  “ಬೀಸಣಿಗೆ ಬಾಲ”ದ ಗುಬ್ಬಚ್ಚಿಗಾತ್ರದ ಬಣ್ಣದ ಹಕ್ಕಿ ಗೆಜ್ಜೆ ಸಪ್ಪಳದ ತರ ಸಿಳ್ಳೆ ಹಾಕುತ್ತಿತ್ತು. ನನ್ನ ಆಗಮನ ಅದರ ಏಕಾಂತಕ್ಕೆ ಧಕ್ಕೆ ಉಂಟಾಯಿತೆಂದು ಕಾಣುತ್ತದೆ. ರೆಕ್ಕೆಗಳನ್ನು ಮಡಚಿಕೊಂಡು ಹಾರಿಹೋಯಿತು.
ಮತ್ತೆ ಬರುತ್ತದೆ ಎಂದುಕೊಂಡು, ಅದಕ್ಕೆ ಕಾಣದಂತೆ ಕ್ಯಾಮರಾದೊಂದಿಗೆ ಅದರ ಚಿತ್ರಗಳನ್ನು ಸೆರೆ ಹಿಡಿಯಲು ಸಿದ್ದನಾಗಿ ಕುಳಿತಿದ್ದೆ. ಕೆಲವೇ ಕ್ಷಣಗಳಲ್ಲಿ “ಬೀಸಣಿಗೆಬಾಲದ ಬಣ್ಣದ ಹಕ್ಕಿ ಪ್ರತ್ಯಕ್ಷವಾಯಿತು”. ಇದರ ವೈಜ್ಞಾನಿಕ ಹೆಸರು “ವೈಟ್ ಸ್ಪಾಟೆಡ್ ಫ್ಯಾನ್ ಟೇಲ್ ಪ್ರೈ ಕ್ಯಾಚರ್” ಎಂದು. ಗುಬ್ಬಚ್ಚಿ ಗಾತ್ರದ, ಸದಾ ಚಟುವಟಿಕೆ ಉತ್ಸಾಹದ, ಹೊಗೆಗಪ್ಪು ಬಣ್ಣದ ಹಕ್ಕಿ. ಎದೆಯ ಮೇಲೆ ಕಪ್ಪು ಮತ್ತು ಬಿಳಿ ಚುಕ್ಕೆಗಳಿವೆ. ಕಣ್ಣಿನ ಮೇಲೆ ಎದ್ದು ಕಾಣುವ ಬಿಳಿ ಪಟ್ಟೆ ಇದೆ. ಎಲ್ಲಕ್ಕಿಂತ ಈ ಹಕ್ಕಿಯ ಪ್ರಧಾನ ಲಕ್ಷಣವೆಂದರೆ ತನ್ನ ಪುಟ್ಟ ಬಾಲದ ಪುಕ್ಕಗಳನ್ನು ಬೀಸಣಿಗೆಯಂತೆ ಬಿಚ್ಚಿ, ರೆಕ್ಕೆ ಜೋಲು ಬಿಟ್ಟು ನವಿಲನ್ನು ಹೋಲುವಂತೆ ಕುಣಿಯುತ್ತದೆ.
ಈ ಹಕ್ಕಿ  ಕುಳಿತಲ್ಲಿ ಕೂರದೆ ಅಲ್ಲಿಂದಿಲ್ಲಿಗೆ, ಪೊದೆಯಿಂದ ಪೊದೆಗೆ ಹಾರುತ್ತಾ ಇರುತ್ತವೆ. ಹಾರಿ ಕುಳಿತಾಗ ಗಳಿಗೆಗೊಮ್ಮೆ ಬಾಲದ ಬೀಸಣಿಗೆ ಬಿಚ್ಚಿ ಎಡಕ್ಕೂ ಬಲಕ್ಕೂ ತಿರುಗಿ ಮತ್ತೆ ಬಾಲ ಮಡಚಿ ಹಾರುತ್ತವೆ. “ಟಿಂಟಿಣಿ ಟಿಂಟಿಣಿ ಗೆಜ್ಜೆ ಗಂಟೆಗಳು ಅಲುಗಿಸಿದಂತೆ ಕೂಗುತ್ತದೆ. ಹೀಗೆ ಕೂಗುವಾಗ ತನ್ನ ಬಾಲವನ್ನು ಬೀಸಣಿಕೆಯಂತೆ ಎತ್ತಿ ಆಚೆ ಈಚೆ ಕುಣಿಸಿ ನಂತರ ಮಡಚಿಕೊಳ್ಳುವುದು. ಕೀಟಗಳನ್ನು ಹಿಡಿದಾಗ ವಿಜಯೋತ್ಸಾಹವನ್ನು ತೋರಿಸಿಕೊಳ್ಳಲು ಸಿಳ್ಳೆ ಸಹ ಹೊಡೆಯುತ್ತದೆ”.
ಇದನ್ನು ಬೂದು ಬಣ್ಣದ ಹುಳ ಹುಡುಕ ಎಂದೂ ಕರೆಯುತ್ತಾರೆ. ಇದು ೧೭ ಸೆಂ.ಮೀ ಗಾತ್ರ ಚಿಕ್ಕ ಹಕ್ಕಿ,   ಬೂದು ಬಣ್ಣ ಈ ಹಕ್ಕಿಯಲ್ಲಿ ಕಾಣುವುದರಿಂದ ಇದಕ್ಕೆ “ಬೂದು ಬಣ್ಣದ ಬಿಳಿಕುತ್ತಿಗೆ ಹುಳ ಹಿಡುಕ” ಎಂಬ ಹೆಸರು ಸಹ ಬಂದಿದೆ. ಅರ್ಧ ವರ್ತುಲಾಕಾರವಾಗಿ ಬಿಚ್ಚಿದಾಗ ಬೂದು ಬಣ್ಣದ ಗರಿ ಕಾಣುತ್ತದೆ. ತುದಿಯಲ್ಲಿ ಬಿಳಿ ಬಣ್ಣದ ಮಚ್ಚೆ ಇದೆ. ಬೀಸಣಿಗೆಯಂತೆ ತನ್ನ ಬಾಲ ಎತ್ತಿ ಬಿಚ್ಚಿ, ಆಚೆ, ಈಚೆ ಅಲ್ಲಾಡಿಸುತ್ತಾ, ಇಲ್ಲವೇ, ಬಾಲ ಮುಚ್ಚಿ ಭೂಮಿಗೆ ಸಮಾನಾಂತರವಾಗಿ ಕುಳಿತುಕೊಳ್ಳುವುದರಿಂದ ಇದರ ಹೆಸರಿನ ಜೊತೆ ಬೀಸಣಿಗೆ ಬಾಲದ ಹಕ್ಕಿ ಎಂಬ ಹೆಸರು ಬಂದಿದೆ.
೨ ಚಿಕ್ಕ ಕಣ್ಣು ಬಿಳಿ ಹುಬ್ಬು, ಕುತ್ತಿಗೆ ಅದರ ಕೆಳಗೆ ಎದೆಯ ಭಾಗದಲ್ಲಿ ಚಿಕ್ಕ ಬಿಳಿ ಚುಕ್ಕೆ ಇದೆ. ಕೆಳ ಬರುತ್ತಾ ಬಿಳಿ ಬಣ್ಣದ ಹೊಟ್ಟೆ ಭಾಗದಲ್ಲಿ ಚುಕ್ಕೆ ಸೇರಿರುತ್ತದೆ. ಈ ಜಾತಿಯ ಹಕ್ಕಿ ಸಾಮಾನ್ಯವಾಗಿ ಕರ್ನಾಟಕದ ಪಶ್ಚಿಮ ಘಟ್ಟ ಕೇರಳ, ಮತ್ತು ಪಶ್ಚಿಮ ಘಟ್ಟದ ಪೂರ್ವಭಾಗದಲ್ಲೂ ಕಾಣಸಿಗುತ್ತದೆ. ಇದರ ಎದೆ ಭಾಗದೆ ಚುಕ್ಕೆ ಯಾವಾಗಲೂ ಇರುವುದೋ ಅಥವಾ ಮರಿಮಾಡುವ ಸಮಯದಲ್ಲಿ ಮಾತ್ರ ಉಂಟಾಗುವುದೋ? ಎಂಬ ವಿಷಯ ನಿಗೂಢವಾಗಿದೆ.
ಗುಬ್ಬಚ್ಚಿಗಿಂತ ಸ್ವಲ್ಪ ದೊಡ್ಡದಾಗಿರುವ ಈ ಹಕ್ಕಿ ಸದಾ ಚಟುವಟಿಕೆಯಿಂದ, ಉತ್ಸಾಹದಿಂದ, ಟೊಂಗೆಯ ಮೇಲೆ ಹಾರಾಡುತ್ತಾ ತನ್ನ ಬಾಲ ಬೀಸಣಿಗೆಯಂತೆ ಕುಣಿಸುತ್ತಾ ಇರುತ್ತದೆ. ಇದರ ಬಾಲದ ತುದಿ ವರ್ತುಲಾಕಾರವಾಗಿದೆ. ಪುಕ್ಕ ಬಿಚ್ಚಿ, ಕೆಲವೊಮ್ಮೆ ಮಡಚಿ, ಬಾಲವನ್ನು ಇಳಿಬಿಟ್ಟು ಕುಣಿಯುವುದು ಇದರ ಕುಣಿಯುವ ಪರಿ. ಇದು ಕೇವಲ ಮರಿಮಾಡುವ ಸಮಯದಲ್ಲಿ ಮಾತ್ರವೋ ಅಥವಾ ಸದಾ ಹೀಗೆ ಕುಣಿಸುವುದೋ ಎಂಬುದನ್ನು ಅವಲೋಕಿಸಬೇಕಿದೆ.
ಇದು ಕುರುಚಲು ಕಾಡು, ಹೊಲ ಉದ್ಯಾನನವನಗಳಲ್ಲಿ ಕಾಣಿಸುತ್ತದೆ. ಮನೆಯ ಅಂಗಳದಲ್ಲಿ  ಕಾಣಿಸಿ ಕೊಂಡ”ಬೀಸಣಿಗೆ ಬಾಲ”ದ ಬಣ್ಣದ ಹಕ್ಕಿಯ ಕೆಲವು ಛಾಯಾಚಿತ್ರಗಳಿಗೆ ನನ್ನ ಕ್ಯಾಮರಾ ಸಾಕ್ಷಿಯಾಯಿತು.
ಪ್ರಾಣಿ-ಪಕ್ಷಿಗಳ ಫೋಟೋ ತಗೆಯುವದು ಬಹಳ ಕಷ್ಟಕರ!.  ಪ್ರಾಣಿ-ಪಕ್ಷಿಗಳ ಚಿತ್ರಗಳನ್ನು ಸೆರೆಹಿಡಿಯಲು ತಾಳ್ಮೆ ಬೇಕು, ಗಂಟೆಗಟ್ಟಲೆ ಕಾಯಬೇಕು. ಪ್ರಾಣಿ-ಪಕ್ಷಿಗಳ ಕಂಡಾಗ ಕ್ಯಾಮರಾ ಸಿದ್ದವಾಗಿರಬೇಕು, ಮೇಲಾಗಿ ಸೂಕ್ತ ವಾತಾವರಣ ಇರಬೇಕು. (ಮೋಡಕವಿದ ವಾತಾವರಣವಿದ್ದರೆ ಫೋಟೋಗಳು ಸರಿ ಬರುವುದಿಲ್ಲ)ಅಂದಾಗ ಉತ್ತಮ ಛಾಯಾಚಿತ್ರಗಳು ಸರೆಯಾಗಲು ಸಾಧ್ಯ. ಮೇಲಾಗಿ ಪ್ರಾಣಿ-ಪಕ್ಷಿಗಳನ್ನು ಕಾಣುವ ಸೂಕ್ಮ ಮನಸ್ಸಿರಬೇಕು, ಅಂದಾಗ ಉತ್ತಮ ಎನ್ನ ಬಹುದಾದ ಛಾಯಾಚಿತ್ರಗಳು ಸೆರೆಯಾಗುವ ಸಾಧ್ಯತೆ ಹೆಚ್ಚು. ನನ್ನಿಂದ ಇಲ್ಲಿಯವರೆಗೆ “ಸರ್ವೋತ್ತಮ” ಎನ್ನುವ ಛಾಯಾಚಿತ್ರಗಳನ್ನು ಸೆರೆಹಿಡಿಯಲು ಸಾಧ್ಯವಾಗಿಲ್ಲ. ಚಿತ್ರಗಳಲ್ಲಿ ಏನಾದರೂ ಒಂದು ನೂನ್ಯತೆಗಳು ಇದ್ದೇ ಇರುತ್ತವೆ. ಇರಬೇಕು, ಅಂದಾಗ ನಮ್ಮಲ್ಲಿ ಉತ್ತಮ ಛಾಯಾಚಿತ್ರಗಳನ್ನು ಸೆರೆ ಹಿಡಿಯಬೇಕೆನ್ನುವ ಹಸಿವು ಕಾಡುತ್ತದೆ.

ಚಿತ್ರ/ಲೇಖನ: ಮಾಲತೇಶ ಅಂಗೂರ,
 ಹಾವೇರಿ