ಗಗನಕ್ಕೇರಿದ ಜೋಳದ ಬೆಲೆ-ರೊಟ್ಟಿ ತಿನ್ನಲೂ ಬೇಕು ಗಟ್ಟಿ ಜೇಬು ! ಜೋಳದ ಬೆಲೆ ಕೆ.ಜಿಗೆ ₹100!

Date:

ಗಗನಕ್ಕೇರಿದ ಜೋಳದ ಬೆಲೆ-ರೊಟ್ಟಿ ತಿನ್ನಲೂ ಬೇಕು ಗಟ್ಟಿ ಜೇಬು !
ಜೋಳದ ಬೆಲೆ ಕೆ.ಜಿಗೆ ₹100!
*ಜೋಳ ತಿಂದವ ತೋಳ, ರೊಟ್ಟಿ ತಿಂದವ ಜಗಜಟ್ಟಿ ಎನ್ನುವ ಗಾದೆ ಮಾತಿಗೂ ಈಗ ಜೇಬು ಗಟ್ಟಿಯಿರಬೇಕು!
* ಗಗನಕ್ಕೇರಿದ ಜೋಳದ ದರ; ರೊಟ್ಟಿ ಊಟವನ್ನೇ ಅವಲಂಬಿಸಿರುವ ಉತ್ತರ ಕರ್ನಾಟಕದ ಜನರಿಗೆ ಬೆಲೆ ಏರಿಕೆಯ ಬಿಸಿ | ಖಾನಾವಳಿ ಉದ್ಯಮಕ್ಕೂ ಆರ್ಥಿಕ ಹೊಡೆತ
ಮಾಲತೇಶ ಅಂಗೂರ
ಹಾವೇರಿ: ಉತ್ತರ ಕರ್ನಾಟಕದ ಹೆಬ್ಬಾಗಿಲು ಹಾವೇರಿಜಿಲ್ಲೆಯ ಜನರ ಆಹಾರ ಪದ್ಧತಿಯಲ್ಲಿ ಜೋಳದ ರೊಟ್ಟಿಗೆ ಅವಿಭಾಜ್ಯ ಸ್ಥಾನವಿದೆ. ಬೆಳಗಿನ ಉಪಾಹಾರದಿಂದ ಹಿಡಿದು ಮಧ್ಯಾಹ್ನ ಹಾಗೂ ರಾತ್ರಿ ಊಟದವರೆಗೆ ಬಿಸಿ ಬಿಸಿ ರೊಟ್ಟಿ ಅಥವಾ ಕಡಕ್ ರೊಟ್ಟಿ ಊಟದ ತಟ್ಟೆಯಲ್ಲಿರಲೇಬೇಕು. ರೊಟ್ಟಿ ಇಲ್ಲದಿದ್ದರೆ ಊಟಕ್ಕೆ ರುಚಿಯಿಲ್ಲ, ಹೊಟ್ಟೆಗೂ ಸಮಾಧಾನವಿಲ್ಲ ಎಂಬುದು ಇಲ್ಲಿನ ಜನರ ಆಹಾರ ಸಂಸ್ಕೃತಿಯ ಭಾಗವೇ ಆಗಿದೆ. ಆದರೆ, ಇದೀಗ ರೊಟ್ಟಿಯ ಮೂಲ ಆಹಾರವಾದ ಜೋಳದ ಬೆಲೆ ಗಗನಕ್ಕೇರಿದ್ದು, ರೊಟ್ಟಿ ಪ್ರಿಯರ ಜೇಬಿಗೆ ಕತ್ತರಿ ಬಿದ್ದಂತಾಗಿದೆ.
‘ಜೋಳ ತಿಂದವ ತೋಳ, ರೊಟ್ಟಿ ತಿಂದವ ಜಗಜಟ್ಟಿ’ ಎಂಬ ಜನಪ್ರಿಯ ಗಾದೆ ಮಾತು ಜೋಳ ಮತ್ತು ರೊಟ್ಟಿಯ ಪೌಷ್ಟಿಕತೆ ಹಾಗೂ ಶಕ್ತಿಯನ್ನು ಸಾರುತ್ತದೆ. ಅದರಲ್ಲೂ ಹಾವೇರಿ ಜಿಲ್ಲೆಯ ಜನರ ದೈನಂದಿನ ಬದುಕಿನಲ್ಲಿ ಜೋಳದ ರೊಟ್ಟಿ ಪ್ರಮುಖ ಆಹಾರವಾಗಿದೆ. ಇಂತಹ ಆಹಾರ ಸಂಸ್ಕೃತಿಯ ಮೇಲೆ ಈಗ ಬೆಲೆ ಏರಿಕೆಯ ಬರೆ ಬಿದ್ದಿದೆ. ಜೋಳದ ಬೆಲೆ ನೂರು ರೂಪಾಯಿ ಗಡಿ ದಾಟಿರುವುದರಿಂದ ರೊಟ್ಟಿ ತಿನ್ನಬೇಕಾದರೂ ಜೇಬು ಗಟ್ಟಿಯಾಗಿರಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.
ಕೆಲವೇ ತಿಂಗಳಲ್ಲಿ ದುಪ್ಪಟ್ಟಾದ ಬೆಲೆ!
ಕೆಲವೇ ತಿಂಗಳ ಹಿಂದೆ ಕ್ವಿಂಟಾಲ್‌ಗೆ ಸುಮಾರು ₹5 ಸಾವಿರ ಇದ್ದ ಜೋಳದ ಬೆಲೆ ಇದೀಗ ₹9 ಸಾವಿರದಿಂದ ₹10 ಸಾವಿರಕ್ಕೂ ಅಧಿಕವಾಗಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಪ್ರತಿ ಕೆ.ಜಿ. ಜೋಳದ ಬೆಲೆ ₹100ರ ಗಡಿ ದಾಟಿದೆ. ಅಂದರೆ, ಕೆಲವೇ ತಿಂಗಳ ಅವಧಿಯಲ್ಲಿ ಜೋಳದ ಬೆಲೆಯಲ್ಲಿ ಭಾರಿ ಏರಿಕೆಯಾಗಿದೆ. ಸಾಮಾನ್ಯವಾಗಿ ಮಧ್ಯಮ ಹಾಗೂ ಬಡ ಕುಟುಂಬಗಳು ದಿನನಿತ್ಯದ ಆಹಾರಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಜೋಳದ ರೊಟ್ಟಿಯನ್ನೇ ಅವಲಂಬಿಸಿವೆ. ಈಗಿನ ಬೆಲೆ ಏರಿಕೆಯಿಂದ ತಿಂಗಳ ದಿನಸಿ ವೆಚ್ಚ ಹೆಚ್ಚಾಗಿದ್ದು, ಗೃಹಿಣಿಯರು ಜೋಳ ಖರೀದಿಸುವ ಮುನ್ನವೇ ಲೆಕ್ಕಾಚಾರ ಹಾಕುವಂತಾಗಿದೆ.
ಖಾನಾವಳಿ ಉದ್ಯಮಕ್ಕೂ ಬೆಲೆ ಏರಿಕೆ ಬಿಸಿ
ಹಾವೇರಿ ಜಿಲ್ಲೆಯಲ್ಲಿ ಖಾನಾವಳಿಗಳ ಸಂಖ್ಯೆ ಹೆಚ್ಚಾಗಿದೆ. ಜಿಲ್ಲೆಯ ವಿವಿಧ ಭಾಗಗಳಿಂದ ನಗರಕ್ಕೆ ಬರುವ ಜನರು, ಉದ್ಯೋಗಿಗಳು, ವ್ಯಾಪಾರಿಗಳು ಹಾಗೂ ಪ್ರಯಾಣಿಕರು ಮಧ್ಯಾಹ್ನ ಮತ್ತು ರಾತ್ರಿ ಊಟಕ್ಕಾಗಿ ಖಾನಾವಳಿಗಳನ್ನೇ ಅವಲಂಬಿಸಿದ್ದಾರೆ. ಅದರಲ್ಲೂ ಜೋಳದ ರೊಟ್ಟಿ, ಎಣ್ಣೆಗಾಯಿ ಪಲ್ಯ, ಶೇಂಗಾ ಚಟ್ನಿ, ಕಾಳು ಪಲ್ಯ ಸೇರಿದಂತೆ ಉತ್ತರ ಕರ್ನಾಟಕದ ಸಾಂಪ್ರದಾಯಿಕ ಆಹಾರಕ್ಕೆ ವಿಶೇಷ ಬೇಡಿಕೆಯಿದೆ.
ಆದರೆ, ಜೋಳದ ಬೆಲೆ ಏರಿಕೆಯಿಂದ ಖಾನಾವಳಿ ಮಾಲೀಕರಿಗೆ ಕಚ್ಚಾ ವಸ್ತುಗಳ ವೆಚ್ಚ ಭರಿಸುವುದೇ ಸವಾಲಾಗಿದೆ. ದಿನನಿತ್ಯ ನೂರಾರು ರೊಟ್ಟಿಗಳನ್ನು ತಯಾರಿಸುವ ಖಾನಾವಳಿಗಳಿಗೆ ಜೋಳದ ಖರೀದಿ ವೆಚ್ಚ ಗಣನೀಯವಾಗಿ ಹೆಚ್ಚಾಗಿದೆ. ಈಗಾಗಲೇ ಅಡುಗೆ ಅನಿಲ, ಎಣ್ಣೆ, ತರಕಾರಿ ಹಾಗೂ ಕಾರ್ಮಿಕರ ಕೂಲಿ ಸೇರಿದಂತೆ ಹಲವು ವೆಚ್ಚಗಳನ್ನು ನಿರ್ವಹಿಸುತ್ತಿರುವ ಉದ್ಯಮಿಗಳಿಗೆ ಜೋಳದ ಬೆಲೆ ಏರಿಕೆ ಮತ್ತೊಂದು ಹೊರೆಯಾಗಿದೆ.
ಒಂದೆಡೆ ಗ್ರಾಹಕರಿಗೆ ಊಟದ ದರ ಹೆಚ್ಚಿಸಿದರೆ ಗ್ರಾಹಕರು ದೂರವಾಗುವ ಆತಂಕ; ಮತ್ತೊಂದೆಡೆ ಹಳೆಯ ದರದಲ್ಲೇ ಊಟ ನೀಡಿದರೆ ಲಾಭಕ್ಕಿಂತ ನಷ್ಟವೇ ಹೆಚ್ಚಾಗುವ ಪರಿಸ್ಥಿತಿ. ಹೀಗಾಗಿ ಖಾನಾವಳಿ ಉದ್ಯಮವೂ ಬೆಲೆ ಏರಿಕೆಯ ಬಿಸಿಗೆ ಸಿಲುಕಿದೆ.
ರೊಟ್ಟಿ ಸಂಸ್ಕೃತಿಗೆ ಬೆಲೆ ಏರಿಕೆಯ ಆತಂಕ
ಉತ್ತರ ಕರ್ನಾಟಕದ ಜನರ ಪಾಲಿಗೆ ಜೋಳ ಕೇವಲ ಒಂದು ಧಾನ್ಯವಲ್ಲ. ಅದು ಆಹಾರ ಪದ್ಧತಿ, ಕೃಷಿ ಪರಂಪರೆ ಮತ್ತು ಬದುಕಿನ ಸಂಸ್ಕೃತಿಯ ಪ್ರತೀಕ. ಹಬ್ಬ, ಹರಿದಿನಗಳಿಂದ ಹಿಡಿದು ನಿತ್ಯದ ಊಟದವರೆಗೂ ಜೋಳದ ರೊಟ್ಟಿ ತನ್ನದೇ ಆದ ಸ್ಥಾನ ಹೊಂದಿದೆ. ಆದರೆ, ದಿನನಿತ್ಯದ ಆಹಾರವಾಗಿರುವ ಜೋಳವೇ ಕೈಗೆಟುಕದಷ್ಟು ದುಬಾರಿಯಾದರೆ ಸಾಮಾನ್ಯ ಜನರ ಬದುಕಿನ ನಿರ್ವಹಣೆ ಕಷ್ಟವಾಗಲಿದೆ.
ಒಟ್ಟಿನಲ್ಲಿ, ‘ಜೋಳ ತಿಂದವ ತೋಳ, ರೊಟ್ಟಿ ತಿಂದವ ಜಗಜಟ್ಟಿ’ ಎಂಬ ಗಾದೆ ಮಾತು ಈಗ ‘ರೊಟ್ಟಿ ತಿನ್ನಬೇಕಾದರೆ ಜೇಬು ಗಟ್ಟಿಯಾಗಿರಬೇಕು’ ಎಂಬ ಹೊಸ ಅರ್ಥ ಪಡೆದುಕೊಂಡಿದೆ. ಜೋಳದ ಬೆಲೆ ಏರಿಕೆಗೆ ಕಾರಣವೇನು? ಮಾರುಕಟ್ಟೆಯಲ್ಲಿ ದರ ನಿಯಂತ್ರಣಕ್ಕೆ ಕ್ರಮಗಳಿವೆಯೇ? ರೈತರಿಗೆ ಅನುಕೂಲವಾಗುವ ಬೆಲೆಯ ಜತೆಗೆ ಗ್ರಾಹಕರಿಗೂ ಕೈಗೆಟುಕುವ ದರದಲ್ಲಿ ಜೋಳ ಲಭ್ಯವಾಗಲು ಸಾಧ್ಯವೇ? ಎಂಬ ಪ್ರಶ್ನೆಗಳು ಸಾರ್ವಜನಿಕ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿವೆ.

LEAVE A REPLY

Please enter your comment!
Please enter your name here

Subscribe

spot_imgspot_img

Popular

ಗಗನಕ್ಕೇರಿದ ಜೋಳದ ಬೆಲೆ-ರೊಟ್ಟಿ ತಿನ್ನಲೂ ಬೇಕು ಗಟ್ಟಿ ಜೇಬು !
ಜೋಳದ ಬೆಲೆ ಕೆ.ಜಿಗೆ ₹100!
*ಜೋಳ ತಿಂದವ ತೋಳ, ರೊಟ್ಟಿ ತಿಂದವ ಜಗಜಟ್ಟಿ ಎನ್ನುವ ಗಾದೆ ಮಾತಿಗೂ ಈಗ ಜೇಬು ಗಟ್ಟಿಯಿರಬೇಕು!
* ಗಗನಕ್ಕೇರಿದ ಜೋಳದ ದರ; ರೊಟ್ಟಿ ಊಟವನ್ನೇ ಅವಲಂಬಿಸಿರುವ ಉತ್ತರ ಕರ್ನಾಟಕದ ಜನರಿಗೆ ಬೆಲೆ ಏರಿಕೆಯ ಬಿಸಿ | ಖಾನಾವಳಿ ಉದ್ಯಮಕ್ಕೂ ಆರ್ಥಿಕ ಹೊಡೆತ
ಮಾಲತೇಶ ಅಂಗೂರ
ಹಾವೇರಿ: ಉತ್ತರ ಕರ್ನಾಟಕದ ಹೆಬ್ಬಾಗಿಲು ಹಾವೇರಿಜಿಲ್ಲೆಯ ಜನರ ಆಹಾರ ಪದ್ಧತಿಯಲ್ಲಿ ಜೋಳದ ರೊಟ್ಟಿಗೆ ಅವಿಭಾಜ್ಯ ಸ್ಥಾನವಿದೆ. ಬೆಳಗಿನ ಉಪಾಹಾರದಿಂದ ಹಿಡಿದು ಮಧ್ಯಾಹ್ನ ಹಾಗೂ ರಾತ್ರಿ ಊಟದವರೆಗೆ ಬಿಸಿ ಬಿಸಿ ರೊಟ್ಟಿ ಅಥವಾ ಕಡಕ್ ರೊಟ್ಟಿ ಊಟದ ತಟ್ಟೆಯಲ್ಲಿರಲೇಬೇಕು. ರೊಟ್ಟಿ ಇಲ್ಲದಿದ್ದರೆ ಊಟಕ್ಕೆ ರುಚಿಯಿಲ್ಲ, ಹೊಟ್ಟೆಗೂ ಸಮಾಧಾನವಿಲ್ಲ ಎಂಬುದು ಇಲ್ಲಿನ ಜನರ ಆಹಾರ ಸಂಸ್ಕೃತಿಯ ಭಾಗವೇ ಆಗಿದೆ. ಆದರೆ, ಇದೀಗ ರೊಟ್ಟಿಯ ಮೂಲ ಆಹಾರವಾದ ಜೋಳದ ಬೆಲೆ ಗಗನಕ್ಕೇರಿದ್ದು, ರೊಟ್ಟಿ ಪ್ರಿಯರ ಜೇಬಿಗೆ ಕತ್ತರಿ ಬಿದ್ದಂತಾಗಿದೆ.
‘ಜೋಳ ತಿಂದವ ತೋಳ, ರೊಟ್ಟಿ ತಿಂದವ ಜಗಜಟ್ಟಿ’ ಎಂಬ ಜನಪ್ರಿಯ ಗಾದೆ ಮಾತು ಜೋಳ ಮತ್ತು ರೊಟ್ಟಿಯ ಪೌಷ್ಟಿಕತೆ ಹಾಗೂ ಶಕ್ತಿಯನ್ನು ಸಾರುತ್ತದೆ. ಅದರಲ್ಲೂ ಹಾವೇರಿ ಜಿಲ್ಲೆಯ ಜನರ ದೈನಂದಿನ ಬದುಕಿನಲ್ಲಿ ಜೋಳದ ರೊಟ್ಟಿ ಪ್ರಮುಖ ಆಹಾರವಾಗಿದೆ. ಇಂತಹ ಆಹಾರ ಸಂಸ್ಕೃತಿಯ ಮೇಲೆ ಈಗ ಬೆಲೆ ಏರಿಕೆಯ ಬರೆ ಬಿದ್ದಿದೆ. ಜೋಳದ ಬೆಲೆ ನೂರು ರೂಪಾಯಿ ಗಡಿ ದಾಟಿರುವುದರಿಂದ ರೊಟ್ಟಿ ತಿನ್ನಬೇಕಾದರೂ ಜೇಬು ಗಟ್ಟಿಯಾಗಿರಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.
ಕೆಲವೇ ತಿಂಗಳಲ್ಲಿ ದುಪ್ಪಟ್ಟಾದ ಬೆಲೆ!
ಕೆಲವೇ ತಿಂಗಳ ಹಿಂದೆ ಕ್ವಿಂಟಾಲ್‌ಗೆ ಸುಮಾರು ₹5 ಸಾವಿರ ಇದ್ದ ಜೋಳದ ಬೆಲೆ ಇದೀಗ ₹9 ಸಾವಿರದಿಂದ ₹10 ಸಾವಿರಕ್ಕೂ ಅಧಿಕವಾಗಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಪ್ರತಿ ಕೆ.ಜಿ. ಜೋಳದ ಬೆಲೆ ₹100ರ ಗಡಿ ದಾಟಿದೆ. ಅಂದರೆ, ಕೆಲವೇ ತಿಂಗಳ ಅವಧಿಯಲ್ಲಿ ಜೋಳದ ಬೆಲೆಯಲ್ಲಿ ಭಾರಿ ಏರಿಕೆಯಾಗಿದೆ. ಸಾಮಾನ್ಯವಾಗಿ ಮಧ್ಯಮ ಹಾಗೂ ಬಡ ಕುಟುಂಬಗಳು ದಿನನಿತ್ಯದ ಆಹಾರಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಜೋಳದ ರೊಟ್ಟಿಯನ್ನೇ ಅವಲಂಬಿಸಿವೆ. ಈಗಿನ ಬೆಲೆ ಏರಿಕೆಯಿಂದ ತಿಂಗಳ ದಿನಸಿ ವೆಚ್ಚ ಹೆಚ್ಚಾಗಿದ್ದು, ಗೃಹಿಣಿಯರು ಜೋಳ ಖರೀದಿಸುವ ಮುನ್ನವೇ ಲೆಕ್ಕಾಚಾರ ಹಾಕುವಂತಾಗಿದೆ.
ಖಾನಾವಳಿ ಉದ್ಯಮಕ್ಕೂ ಬೆಲೆ ಏರಿಕೆ ಬಿಸಿ
ಹಾವೇರಿ ಜಿಲ್ಲೆಯಲ್ಲಿ ಖಾನಾವಳಿಗಳ ಸಂಖ್ಯೆ ಹೆಚ್ಚಾಗಿದೆ. ಜಿಲ್ಲೆಯ ವಿವಿಧ ಭಾಗಗಳಿಂದ ನಗರಕ್ಕೆ ಬರುವ ಜನರು, ಉದ್ಯೋಗಿಗಳು, ವ್ಯಾಪಾರಿಗಳು ಹಾಗೂ ಪ್ರಯಾಣಿಕರು ಮಧ್ಯಾಹ್ನ ಮತ್ತು ರಾತ್ರಿ ಊಟಕ್ಕಾಗಿ ಖಾನಾವಳಿಗಳನ್ನೇ ಅವಲಂಬಿಸಿದ್ದಾರೆ. ಅದರಲ್ಲೂ ಜೋಳದ ರೊಟ್ಟಿ, ಎಣ್ಣೆಗಾಯಿ ಪಲ್ಯ, ಶೇಂಗಾ ಚಟ್ನಿ, ಕಾಳು ಪಲ್ಯ ಸೇರಿದಂತೆ ಉತ್ತರ ಕರ್ನಾಟಕದ ಸಾಂಪ್ರದಾಯಿಕ ಆಹಾರಕ್ಕೆ ವಿಶೇಷ ಬೇಡಿಕೆಯಿದೆ.
ಆದರೆ, ಜೋಳದ ಬೆಲೆ ಏರಿಕೆಯಿಂದ ಖಾನಾವಳಿ ಮಾಲೀಕರಿಗೆ ಕಚ್ಚಾ ವಸ್ತುಗಳ ವೆಚ್ಚ ಭರಿಸುವುದೇ ಸವಾಲಾಗಿದೆ. ದಿನನಿತ್ಯ ನೂರಾರು ರೊಟ್ಟಿಗಳನ್ನು ತಯಾರಿಸುವ ಖಾನಾವಳಿಗಳಿಗೆ ಜೋಳದ ಖರೀದಿ ವೆಚ್ಚ ಗಣನೀಯವಾಗಿ ಹೆಚ್ಚಾಗಿದೆ. ಈಗಾಗಲೇ ಅಡುಗೆ ಅನಿಲ, ಎಣ್ಣೆ, ತರಕಾರಿ ಹಾಗೂ ಕಾರ್ಮಿಕರ ಕೂಲಿ ಸೇರಿದಂತೆ ಹಲವು ವೆಚ್ಚಗಳನ್ನು ನಿರ್ವಹಿಸುತ್ತಿರುವ ಉದ್ಯಮಿಗಳಿಗೆ ಜೋಳದ ಬೆಲೆ ಏರಿಕೆ ಮತ್ತೊಂದು ಹೊರೆಯಾಗಿದೆ.
ಒಂದೆಡೆ ಗ್ರಾಹಕರಿಗೆ ಊಟದ ದರ ಹೆಚ್ಚಿಸಿದರೆ ಗ್ರಾಹಕರು ದೂರವಾಗುವ ಆತಂಕ; ಮತ್ತೊಂದೆಡೆ ಹಳೆಯ ದರದಲ್ಲೇ ಊಟ ನೀಡಿದರೆ ಲಾಭಕ್ಕಿಂತ ನಷ್ಟವೇ ಹೆಚ್ಚಾಗುವ ಪರಿಸ್ಥಿತಿ. ಹೀಗಾಗಿ ಖಾನಾವಳಿ ಉದ್ಯಮವೂ ಬೆಲೆ ಏರಿಕೆಯ ಬಿಸಿಗೆ ಸಿಲುಕಿದೆ.
ರೊಟ್ಟಿ ಸಂಸ್ಕೃತಿಗೆ ಬೆಲೆ ಏರಿಕೆಯ ಆತಂಕ
ಉತ್ತರ ಕರ್ನಾಟಕದ ಜನರ ಪಾಲಿಗೆ ಜೋಳ ಕೇವಲ ಒಂದು ಧಾನ್ಯವಲ್ಲ. ಅದು ಆಹಾರ ಪದ್ಧತಿ, ಕೃಷಿ ಪರಂಪರೆ ಮತ್ತು ಬದುಕಿನ ಸಂಸ್ಕೃತಿಯ ಪ್ರತೀಕ. ಹಬ್ಬ, ಹರಿದಿನಗಳಿಂದ ಹಿಡಿದು ನಿತ್ಯದ ಊಟದವರೆಗೂ ಜೋಳದ ರೊಟ್ಟಿ ತನ್ನದೇ ಆದ ಸ್ಥಾನ ಹೊಂದಿದೆ. ಆದರೆ, ದಿನನಿತ್ಯದ ಆಹಾರವಾಗಿರುವ ಜೋಳವೇ ಕೈಗೆಟುಕದಷ್ಟು ದುಬಾರಿಯಾದರೆ ಸಾಮಾನ್ಯ ಜನರ ಬದುಕಿನ ನಿರ್ವಹಣೆ ಕಷ್ಟವಾಗಲಿದೆ.
ಒಟ್ಟಿನಲ್ಲಿ, ‘ಜೋಳ ತಿಂದವ ತೋಳ, ರೊಟ್ಟಿ ತಿಂದವ ಜಗಜಟ್ಟಿ’ ಎಂಬ ಗಾದೆ ಮಾತು ಈಗ ‘ರೊಟ್ಟಿ ತಿನ್ನಬೇಕಾದರೆ ಜೇಬು ಗಟ್ಟಿಯಾಗಿರಬೇಕು’ ಎಂಬ ಹೊಸ ಅರ್ಥ ಪಡೆದುಕೊಂಡಿದೆ. ಜೋಳದ ಬೆಲೆ ಏರಿಕೆಗೆ ಕಾರಣವೇನು? ಮಾರುಕಟ್ಟೆಯಲ್ಲಿ ದರ ನಿಯಂತ್ರಣಕ್ಕೆ ಕ್ರಮಗಳಿವೆಯೇ? ರೈತರಿಗೆ ಅನುಕೂಲವಾಗುವ ಬೆಲೆಯ ಜತೆಗೆ ಗ್ರಾಹಕರಿಗೂ ಕೈಗೆಟುಕುವ ದರದಲ್ಲಿ ಜೋಳ ಲಭ್ಯವಾಗಲು ಸಾಧ್ಯವೇ? ಎಂಬ ಪ್ರಶ್ನೆಗಳು ಸಾರ್ವಜನಿಕ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿವೆ.

LEAVE A REPLY

Please enter your comment!
Please enter your name here

Subscribe

spot_imgspot_img

More like this
Related

ಹಾವೇರಿ: ಕಬ್ಬಿನ ಗದ್ದೆಯಲ್ಲಿ ಅಡಗಿದ್ದ 10 ಅಡಿ ಉದ್ದದ ಹೆಬ್ಬಾವು ರಕ್ಷಣೆ

ಹಾವೇರಿ: ಕಬ್ಬಿನ ಗದ್ದೆಯಲ್ಲಿ ಅಡಗಿದ್ದ 10 ಅಡಿ ಉದ್ದದ ಹೆಬ್ಬಾವು...

ಸಹಕಾರಿ ಕ್ಷೇತ್ರದ ಸಾಧನೆಗೆ ದಾಕ್ಷಾಯಣಿ ಗಾಣಿಗೇರ ಅವರಿಗೆ ‘ಸಹಕಾರಿ ರತ್ನ’ ಪ್ರಶಸ್ತಿ ಪ್ರದಾನ

ಸಹಕಾರಿ ಕ್ಷೇತ್ರದ ಸಾಧನೆಗೆ ದಾಕ್ಷಾಯಣಿ ಗಾಣಿಗೇರ ಅವರಿಗೆ ‘ಸಹಕಾರಿ ರತ್ನ’ ಪ್ರಶಸ್ತಿ...

ನ.೧೮ರಿಂದ ಶಾಲಾ-ಕಾಲೇಜುಗ ಬಂದ್‌ಗೆ ಡಾ. ಕುಬೇರಪ್ಪ ವಿರೋಧ

  ನ.೧೮ರಿಂದ ಶಾಲಾ-ಕಾಲೇಜುಗ ಬಂದ್‌ಗೆ ಡಾ. ಕುಬೇರಪ್ಪ ವಿರೋಧ ಹಾವೇರಿ: ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ನೌಕರರು...

ಸಹಕಾರಿ ಕ್ಷೇತ್ರದ ಸಾಧನೆಗೆ ದಾಕ್ಷಾಯಣಿ ಗಾಣಿಗೇರ ಅವರಿಗೆ ‘ಸಹಕಾರಿ ರತ್ನ’ ಪ್ರಶಸ್ತಿ

ಸಹಕಾರಿ ಕ್ಷೇತ್ರದ ಸಾಧನೆಗೆ ದಾಕ್ಷಾಯಣಿ ಗಾಣಿಗೇರ ಅವರಿಗೆ ‘ಸಹಕಾರಿ ರತ್ನ’ ಪ್ರಶಸ್ತಿ ಪ್ರಿಯದರ್ಶಿನಿ...